«Այս նախագծով մեր շահառուներին աշխատանքի տեղավորելու համար աջակցում ենք գործատուներին»,-կառավարության նիստում հայտարարեց Աշխատանքի և սոցիալական հարցերի նախարարի տեղակալ Աննա Ժամակոչյանը՝ զեկուցելով անապահովության գնահատման համակարգով անապահով ճանաչված ընտանիքների աշխատունակ անձանց վարձատրվող հասարակական աշխատանքի դիմաց աջակցության տրամադրման ծրագիրը հաստատելու մասին նախագիծը։
Փոխնախարարի ներկայացրեց ոլորտները՝ քաղաքաշինության և ենթակառուցվածքների պահպանում(դպրոց, մանկապարտեզ, կրթական հաստատություն), սոցիալական և համայնքային ծառայություններ տրամադրող կազմակերպություններին, խնամքի ծառայության մասնագիտացում չպահանջող ծառայությունները, գյուղատնտեսություն և անտառային տնտեսություն, մշակույթ և զբոսաշրջություն (հուշարձանների խնամք և այլն), ուսուցիչների օգնականներին, տեխնիկական հաստատություններում մասնագիտացում չպահանջող աշխատանքներ։
«Այս բոլոր ոլորտների կազմակերպության, կամ համայնքի վարչական շրջանի կողմից կարող է ներկայացվել ծրագրային առաջարկ, եթե նրանք ոլորտներում գործել են առնվազն երեք տարի և ունեն միջինը տարեկան առնվազը 10 աշխատող»,-զեկուցեց ժամկոչյանը։
Նա ասաց, որ ծրագիրը կտևի 3-12 ամիս, որոնց պետությունը կաջակցի ամսական 21 օրյա կտրվածքով՝ 73 հազար դրամի չափով և նշեց, որ կարգավորումներով սահմանված է, որ եթե գործատուն պայմանակգիր կկնքի անապահով ընտանիքի անդամի հետ, ապա մեկ օրվա համար կստանա աջակցություն 3000 դրամի չափով։