Իրանն իրավունք ունի մշակել միջուկային ծրագիր և օգտագործել միջուկային տեխնոլոգիաները խաղաղ նպատակներով:
Այս մասին հայտարարել է Ռուսաստանի նախագահ Վլադիմիր Պուտինը՝ Sky News Arabia հեռուստաալիքին տված հարցազրույցում:
«Իրանն իրավունք ունի միջուկային տեխնոլոգիաների խաղաղ նպատակներով կիրառման ծրագրեր ունենալ»,- ասել է նա։
Նրա խոսքով՝ Ռուսաստանը պատրաստ է Իրանին, ինչպես նախորդ տարիներին, տրամադրել անհրաժեշտ օգնություն և աջակցություն խաղաղ միջուկային էներգիայի զարգացման գործում։
«Կան մանրամասներ, որոնք, իմ կարծիքով, կարող են և պետք է քննարկվեն»,- հավելել է Պուտինը՝ նշելով, որ Իրանի միջուկային ծրագրի շուրջ ստեղծված ճգնաժամը լուծելու համար բանակցային գործընթացին պետք է մասնակցեն և՛ Իրանը, և՛ Իսրայելը։