Հայաստանը, որը «սառեցրեց» իր անդամակցությունը ՀԱՊԿ-ին, պետք է սթափ դիտարկի իր անվտանգության ապահովման հնարավորությունները, այդ թվում՝ հավաքական ձևաչափով, «ՌԻԱ Նովոստի»-ին տված հարցազրույցում իր կարծիքն է հայտնել Ռուսաստանի արտաքին գործերի փոխնախարար Ալեքսանդր Պանկինը։
Նա հաստատել է, որ ՀԱՊԿ-ում Երևանի կողմից իր ներդրումը չվճարելու իրավիճակը կարող է սկսվել քննարկվել 2025 թվականի դեկտեմբերի 31-ից հետո, բայց թե ինչ հունով է ընթանալու քննարկումը, մնում է հարցական։
«Բոլորը հասկանում են, որ Հայաստանը, որը սառեցրել է, ինչպես ասում են, իր անդամակցությունը ՀԱՊԿ-ին, չի մասնակցում որոշումների կայացմանը, բայց չի միջամտում դրան։ Ամեն դեպքում, հավանաբար, պետք է սթափ դիտարկի իր անվտանգության ապահովման հնարավորությունները, այդ թվում՝ ՀԱՊԿ հավաքական ձևաչափում»,- ընդգծել է Պանկինը։