ԱՄՆ-ը բացել է Պանդորայի արկղը, և ոչ ոք չգիտի՝ դա ինչ նոր աղետներ և տառապանքներ կբերի, հայտարարել է ՄԱԿ-ում Ռուսաստանի դեսպան Վասիլի Նեբենզյան ՄԱԿ-ի Անվտանգության խորհրդի արտակարգ նիստի ժամանակ։
Նա ասել է, որ Ռուսաստանն ԱՄՆ-ին առաջարկել է իր միջնորդությունը՝ Իրանի միջուկային ծրագրի խաղաղ և փոխադարձաբար ընդունելի լուծում գտնելու համար, սակայն Միացյալ Նահանգներն «ակնհայտորեն, այսօր հետաքրքրված չեն դիվանագիտությամբ»։
«Եթե մենք չդադարեցնենք սրացումը, Մերձավոր Արևելքը կհայտնվի լայնածավալ կոնֆլիկտի եզրին՝ անկանխատեսելի հետևանքներով ամբողջ միջազգային անվտանգության համակարգի համար, բացի այդ, ամբողջ աշխարհը կարող է հայտնվել միջուկային աղետի եզրին», – ընդգծել է Նեբենզյան։
Անվտանգության խորհրդի նիստը հրավիրվել էր Իրանի դիմումով այն բանից հետո, երբ ԱՄՆ-ն հարվածներ էր հասցրել իր երեք միջուկային օբյեկտներին։