Դատարանի բակում հավաքված հոգեւորականները դժգոհ են Շիրակի թեմի առաջնորդ Միքայել արքեպիսկոպոս Աջապահյանին կալանավորելու որոշումից։
«Դուք ում եք ծառայում ընդհանրապես, Միքայել Սրբազանն արքեպիսկոպոս է, վարչապետից էլ բարձր է, հոգեւոր առաջնորդ է»,– ասաց հոգեւորականներից մեկը։
Մյուսն էլ նշեց. «Ոչ մեկս հավերժ չենք, մի օր բոլորս էլ մեռնելու ենք, նույն դատավորը էս ամեն ինչը պիտի հիշի հոգին տալուց»։
Հիշեցնենք՝ Միքայել Սրբազանը 2 ամսով կալանավորվեց։ Նրան մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
Դատավոր Մասիս Մելքոնյանը որոշում կայացրեց կալանավորել Շիրակի թեմի առաջնորդ Միքայել արքեպիսկոպոս Աջապահյանին։
«Բացահայտ ապօրինի, անհիմն որոշում կայացրեց դատարանը։ Միքայել Սրբազանին արգելված են նաեւ տեսակցությունները, բացառապես մերձավոր ազգականների եւ պաշտպանների»,– ասացին պաշտպանները որոշման հրապարակումից հետո։
Դատարանի բակում հավաքված քաղաքացիները «ամոթ, ամոթ» են վանկարկում։ Ներկաներն արտասվում են։