Ի պաշտպանություն Սամվել Կարապետյանի հուլիսի 4-ին նախատեսված երթին ընդառաջ իրավապահները գործողություններ, խուզարկություններ են իրականացնում «Տաշիր» ընկերությունների խմբի գլխավոր գրասենյակում։
Այստեղ են ժամանել «Հայաստան» խմբակցության երկու պատգամավորներ։
«Քննչական գործողություններ են կատարվում։ Հարցնում եմ՝ որ քրեական գործի շրջանակում, ասումե ն՝ տաբեր տարիների, բայց նախաքննական գաղտնիք է, չեն կարող ասել։ Անհասկանալի պատասխան տվեցին»,-լրագրողների հետ զրույցում ասաց դաշնակցական պատգամավոր Գեղամ Մանուկյանը, որ դուրս եկավ շենքից։
Նրա խսքով, ներսում ՔԿ քննիչներ են։
«Հայաստանում քրեաիրավական, կրոնական, արտաքին քաղաքականության և այլ բոլոր հարցերի համար խորհուրդ կտամ մեկ աղբյուրից օգտվել. Նիկոլ Փաշինյանի ֆեյսբուքյան էջից։ Գլխին ինչ փչում է, առավոտ գրում է, էս հլու հնազանդ իրավապահներն էլ խելոք կատարում են։ Ինքն արդեն ՀԷՑ-ի կառավարիչ նշանակել է, աշխատանքից ազատել է։ Եթե այս օրենքը ընդունվի, սպասեք, որ ՔՊ պաշտոնյաների կանայք տեղափոխվելու ենք ՀԷՑ»,-ասաց Մանուկյանը։
Նա հիշեցրեց, որ արդեն 8 ամիս իշխանությունը չի կարողանում տարածքային կառավարման և ենթակառուցվածքների փոխնախարար գտնել։