Դուք ի՞նչ արժանիք ունեք այսօր մնալու գլխավոր դատախազի պաշտոնում, երբ որ այս տարրական իրավական ընթացակարգը նման գլխի վրա շուռ եք տալիս։ ԱԺ ամբիոնից հայտարարել է «Հայաստան» խմբակցության քարտուղար Արծվիկ Մինասյանը՝ դիմելով գլխավոր չդատախազին։
Նշենք, որ այսօր ԱԺ-ում ավարտվեց Ա. Մինասյանի նկատմամբ քրեական հետապնդում հարուցելու թույլտվության վերաբերյալ գլխավոր դատախազի ներկայացրած միջնորդագրի քննարկումը։
«Դուք այսօր ակնհայտ, բացահայտ որդեգրել եք իշխանության փաստաբանի դերը անտեսում եք, արհամարում եք իրավունքի նորմերը, արհամարում եք բերված փաստարկները»,- ասել է Ա. Մինասյանը՝ ավելացնելով, որ վիրավորված ներկայացված անորակ միջնորդագրից։
«Վիրավորականը գիտե՞ք որն է, որ ավելի քան 30 տարի լինելով պետական ծառայության մեջ, նման ցածրակարգ, իրավական մտածողությամբ մեղադրանք ես չէի հանդիպել, վիրավորական է սա։ Ես դրա համար էի ասում, որ իմ բանականությունը մի վիրավորեք, իմ ինտելեկտը մի վիրավորեք։ Ո՞վ է ձեզ տվել իրավունք այս աստիճանի բռնաբարել իրավունքը»,- նշել է Մինասյանը։