Վրաստանի սննդամթերքի շուկաներից մեկում դեղձի ներկման սկանդալային տեսանյութը, որը պայթեցրել է Վրաստանի սոցիալական ցանցերը՝ պահանջում է անհապաղ արձագանք համապատասխան մարմիններից, հայտարարել է Վրաստանի Սննդի ազգային գործակալությունը։
Հուլիսի 8-ին առցանց հայտնված տեսանյութում երևում է, թե ինչպես է մի տղամարդ դեղձը ներկում, որպեսզի այն ավելի հասուն և ավելի վաճառելի տեսք ունենա։ «Քաղաքի բնակիչներին ավելին պետք չէ», – մեկնաբանում է տեսանյութի հեղինակը գործընթացը։ Հայտնի չէ, թե որքանով է օգտագործված ներկը անվտանգ մարդու օրգանիզմի համար, հաղորդում է Սպուտնիկ Գրուզիան։
«Խոսքը սննդամթերքի դիտավորյալ աղտոտման մասին է։ Գործակալությունն արդեն կապ է հաստատել համապատասխան իրավապահ մարմինների հետ», – ասվում է հայտարարության մեջ։
Գործակալությունը մշտապես ստուգում է մրգերն ու բանջարեղենը սպառողական շուկաներում, անցկացնում է մոնիթորինգ և նմուշներ է վերցնում տարբեր ցուցանիշների՝ թունաքիմիկատների, ծանր մետաղների, ռադիոնուկլիդների առկայության վերաբերյալ հետազոտության համար։