Ռուսաստանի Ուֆա քաղաքում գործող «Պեչկի-Լավոչկի» ծերանոցում բացահայտվել են սարսափելի խախտումներ՝ հիշեցնելով իրական սարսափ ֆիլմ։ Հայտնում է mk.ru-ն։
Լրատվամիջոցի փոխանցմամբ՝ հաստատությունում թոշակառուներին ծեծի են ենթարկել, կապել, զրկել սննդից և նույնիսկ փաթաթել վերմակներով՝ իբրև «պատժամիջոց»։
Նախկին աշխատակիցներից մեկը պատմել է, որ տարեցներին նվաստացրել են, կերակրել ժամկետանց մթերքներով կամ ընդհանրապես զրկել սննդից՝ մատնելով սովամահության։ Ծերանոցի կենվորների նվաստացմանը մասնակցել է նաև հաստատության տնօրենը։
Աշխատակիցը, մասնավորապես՝ պատմել է, որ ծերանոցի բնակիչ տարեց մի կնոջ փաթաթել են վերմակով, մահճակալից նետել հատակին՝ առանց պատճառի։ Հարազատները կնոջը տուն են տարել, սակայն վերջինս մի քանի օր անց մահացել է։ Ծերանոցի աշխատակիցները պնդել են, թե կինը «խելագարվել է»։
Խոշտանգումների տեսանյութերը արդեն հայտնվել են համացանցում։