Էջմիածնում ինքնաձիգով եւ «Մակարով» տեսակի ատրճանակով նոյեմբերի 17-ին տեղի ունեցած աղմկահարույց կրակոցների գործով կալանավորվել է BMW-ի 25–ամյա վարորդը:
Shamshyan.com-ի հաղորդմամբ, նոյեմբերի 26-ին դատաանը երկու ամսով կալանավորելու որոշում է կայացրել Էջմիածին քաղաքի բնակիչ, 25-ամյա Արգիշտի Այվազյանի նկատմամբ: Վերջինս կասկածվում է նոյեմբերի 14-ին Էջմիածին քաղաքի բնակիչ, 27-ամյա Գուրգեն Առաքելյանի նկատմամբ սպանության փորձին մասնակից լինելու մեջ:
Ոստիկաններն ու քննիչներն ունեին կասկածներ, որ նոյեմբերի 14-ին Էջմիածին քաղաքի բնակիչ՝ 27-ամյա Գուրգեն Առաքելյանի Mercedes մակնիշի ավտոմեքենայի վրա (ով, ի դեպ, եղել էր ղեկին) կրակոցներ էին արձակել հայտնաբերված BMW-ի միջից: Քննիչի որոշմամբ BMW-ն տեղափոխվել էր ոստիկանության Վաղարշապատի բաժնի պահպանվող հատուկ տարածք: Նշված ավտոմեքենան հաշվառված է Վաղարշապատ քաղաքի բնակիչ՝ 25-ամյա Արգիշտի Այվազյանի անվամբ: