Զելենսկին մեկնաբանել է ԱՄՆ-ի և Ռուսաստանի նախագահների հնարավոր հանդիպման, իսկ հետո բարձր մակարդակի եռակողմ բանակցությունների մասին լուրերը։
«Կարևոր է քննարկել առանցքային մանրամասները։ Առաջնահերթությունները միանգամայն հստակ են։ Առաջինը սպանությունների դադարեցումն է և հենց Ռուսաստանը պետք է գնա հրադադարի։ Երկրորդը՝ ղեկավարների համար ձևաչափն է, որպեսզի հանդիպումը իսկապես օգնի երկարատև խաղաղության հասնելուն։ Մենք Ուկրաինայում բազմիցս ասել ենք, որ ղեկավարների մակարդակով իրական լուծումների որոնումը կարող է իսկապես արդյունավետ լինել։ Անհրաժեշտ է որոշել նման ձևաչափի ժամանակը և հարցերի շրջանակը։ Երրորդը՝ անվտանգության երկարաժամկետությունն է։ Դա հնարավոր է Միացյալ Նահանգների և Եվրոպայի հետ միասին»,- գրել է Զելենսկին իր սոցիալական ցանցերում։
Նախօրեին Զելենսկին հայտնել է, որ խոսել է Դոնալդ Թրամփի հետ։ Դրանից հետո, ինչպես գրում է Ուկրաինայի նախագահը, նա առանձին կապ է հաստատել ՆԱՏՕ-ի գլխավոր քարտուղար Մարկ Ռյուտտեի և Ֆինլանդիայի նախագահ Ալեքսանդր Ստուբի հետ։ Այսօր Ուկրաինայի նախագահը նախատեսում է զրույց ունենալ Գերմանիայի կանցլեր Ֆրիդրիխ Մերցի հետ։