Քաղաքագետ Արա Պողոսյանը գրում է.
«ԱՄՆ նախագահ Դոնալդ Թրամփի կողմից հրապարակվել է հուշագրի տեքստը, որով դադարեցվում է «Ազատության աջակցության ակտի» (օրենք № 102-511) 907-րդ փոփոխության գործողությունը Ադրբեջանի նկատմամբ։
Փաստաթղթում նշվում է, որ փոփոխության դադարեցումը.
անհրաժեշտ է միջազգային ահաբեկչության դեմ պայքարում ԱՄՆ-ի ջանքերին աջակցելու համար,
անհրաժեշտ է ԱՄՆ-ի և հակաահաբեկչական կոալիցիայի գործընկերների զինված ուժերի մարտական պատրաստվածությունը պահպանելու համար,
կարևոր է Ադրբեջանի սահմանների անվտանգության համար,
չի խաթարի կամ չի խանգարի Հայաստանի և Ադրբեջանի միջև ընթացող խաղաղության շուրջ բանակցություններին, և չի օգտագործվի Հայաստանի դեմ հարձակողական նպատակներով։
Հուշագրում նաև նշվում է, որ 907-րդ փոփոխության գործողության դադարեցումը կատարվում է Ադրբեջանի հետ համագործակցությունը շարունակելու նպատակով, և այս որոշմամբ երկարաձգվում է փոփոխության դրույթների կիրառման մերժումը։