Հայաստանը Ասիական զարգացման բանկից կներգրավիի 45.3 մլն եվրո՝ առողջապահության ոլորտում որակի բարելավման համար։
Առողջապահության փոխնախարար Լենա Նանուշյանը ԱԺ ֆինանսավարկային և բյուջետային հանձնաժողովի այսօրվա նիստում ներկայացնելով վարկային ծրագիրն հայտնեց, որ վարկային ծրագրի նպատակն է խթանել որակի զարգացումը, որակի ապահովումը առողջապահության համակարգում։
«Ծրագրում ներառված ցուցանիշները վերաբերում են առողջապահական հաստատությունների կառուցմանը, բարելավմանը, առողջապահական ծառայությունների որակի գնահատմանը, հաշվետվողականության թվայնացմանը ևբ ինստիտուցիոնալացմանը, բժշկական հաստատությունների լիցենզավորման կարգավորմանը և լրամշակմանը, առողջապահության ոլորտում մարդկային կապիտալի զարգացմանը, էլեկտրոնային առողջապահության գործիքների կիրառման բարելավմանը»։
Վարկի տոկոսադրույքի տեսակը լողացող է, միջինում այն կազմելու է 3.11 տոկոս է, բացի այդ Հայաստանը տարեկան վճարելու է պարտավորության վճար՝ 0.15 տոկոս դրույթաչափով, վարկի ժամկետը 18 տարի է, արտոնյալ ժամկետը՝ 7 տարի, վարկի մարման ժամկետը 11 տարի։
«Հայաստան» խմբակցության պատգամավոր Արթուր Խաչատրյանն էլ հարցրեց, թե եթե ինչպես հայտարարում է Վահագն Խաչատրյանը՝ «Հայաստանում» փողի խնդիր չկա, ապա ինչու են պարտք վերցնում։ «Իմ կարծիքով, դա ռացիոնալ բանականությունից շեղում է»։
Նանուշյանը պատասխանեց, որ որպես ընտանիքի մայր, ընտանիքի անդամ՝ ամենօրյա գործունեության ընթացքում փողի կարիք չունեն, բայց ընտանիքի անդամը հիփոթեքային վարկ է ներգրավել՝ անշարժ գույք ձեռք բերելու համար։ «Այսինքն, մեր կյանքը բարելավելու, լավարկելու համար քայլ ենք արել»։
Խաչատրյանն էլ առարկեց. «Եթե հիպոթեքը համեմատենք աշխատավարձի հետ՝ պետք է շատ փող ունենաք, որ բնակարան գնեք։ Բայց ասել ունենք շատ փող ու գնալ՝ վերցնել 45 մլն վարկ, բա էդ դեպքում՝ քիչ փողը որը պետք է լիներ։ Ընդ որում՝ ձեռք բերվելիք վարկի միայն 16 մլն եվրոն է կապիտալ ծախս»։