Հ. Հովակիմյանի պատանեկան գավաթ՝
գործնական շախմատի մրցաշար
Երևան, 2025 թ. սեպտեմբերի 5-7-ը
Մրցաշարի գլխավոր հովանավոր՝ Հ. Հովակիմյան
Մրցաշարի կազմակերպիչ՝ Շախմատի հայկական ասոցիացիա
Անցկացման վայրը՝ Տ. Պետրոսյանի անվան շախմատի տուն-մարզադպրոց
Մրցաշարին մասնակցում են 4 պատանեկան թիմեր՝ յուրաքանչյուր թիմում 5 անդամ: Յուրաքանչյուր թիմ պետք է ունենա համազգեստ՝ 2 զույգ T-shirt՝ սպիտակ և մուգ գույնի (կապույտ, կանաչ, կարմիր և այլն) համապատասխանաբար սև և սպիտակ խաղաքարերով խաղալու համար:
Խաղացանկ.
5 սեպտեմբերի՝ առաջին կիսաեզրափակիչ-2 պարտիա
6 սեպտեմբերի՝ երկրորդ կիսաեզրափակիչ-2 պարտիա
7 սեպտեմբերի՝ եզրափաիչ-2 պարտիա
Կիսաեզրափակիչներում թիմերը բաշխվում են թիմային ընդհանուր վարկանիշի համաձայն. այնպես, որ երկու ամենաբարձր վարկանիշ- ունեցող թիմերը չհանդիպեն միմյանց: Զույգերը կազմվում են 1-4 և 3-2 սկզբունքով:
Գործնական շախմատի կանոնները
Մեկ մրցամարտն անցկացվում է առավելագույնը 3 ցուցադրական տախտակների վրա՝ ընդհանուր 8 խաղային վարկանիշով:
Յուրաքանչյուր թիմի տրվում է 1-ական ժամ հիմնական ժամանակի համար առանց հավելումի, ապա լրացուցիչ 5-ական րոպե պարտիայի ավարտին. քայլի համար 2-ական վայրկյան հավելումով: Այդ դեպքում հաշվի է առնվում նաև հիմնական ժամանակահատվածում տնտեսած ժամանակը:
Յուրաքանչյուր մրցամարտում հաղթանակի համար տրվում է 2 միավոր, ոչ-ոքիի համար՝ 1 միավոր:
Եթե այդ թիմերի անձնական հանդիպման 2 խաղերի (սպիտակներով և սևերով) արդյունքում գրանցվում է ոչ-ոքի, ապա հաղթողը որոշվում է անձնական հանդիպման 2 խաղերի միավորների տարբերությամբ (ինչպես ֆուտբոլում՝ խփած և բաց թողած գոլերի տարբերությամբ):
Եթե եզրափակչում հավասարությունը կրկին պահպանվում է, ապա հաշվվում է ամբողջ մրցաշարի (կիսաեզրափակիչ և եզրափակիչ) միավորների քանակը
Եթե հավասարությունը կրկին պահպանվում է, ապա մեկ խաղատախտակի վրա խաղացվում է 2 կայծակնային (յուրաքանչյուր թիմի համար 5-ական րոպե՝ յուրաքանչյուր քայլի համար 2-ական վայրկյան հավելումով)՝ թիմային քննարկման հնարավորությամբ (ինչպես գործնական շախմատի խաղի ավարտին):
Եվ, վերջապես, եթե հավասարությունը կրկին պահպանվում է, ապա խաղացվում է մեկ սովորական Արմագեդոն պարտիա յուրաքանչյուր թիմի մեկական անդամի մասնակցությամբ, սպիտակներին 5 րոպե, սևերին՝ 4 րոպե ժամակարգով, որտեղ ոչ-ոքիի դեպքում հաղթող է ճանաչվում սևերով խաղացող թիմը:
Ձեզ ենք ներկայացնում մրցաշարի ժամանակացույցը՝
Սեպտեմբերի 4, ժամը՝ 16.00՝ մրցաշարից առաջ հանդիպում-քննարկում թիմերի հետ:
Սեպտեմբերի 5, ժամը՝ 16.00՝ մրցաշարի 1-ին օր
Սեպտեմբերի 6, ժամը՝ 11.00՝ մրցաշարի 2-րդ օր
Սեպտեմբերի 7, ժամը՝ 11.00՝ մրցաշարի 3-րդ օր
«Շախմատի հայկական ասոցիացիա» Հ/Կ
ք. Երևան, Խանջյան 50
հեռ.՝ 077 400-955