«Պարոն Հակոբյան դուք զբաղեցնումեք մի պաշտոն, մի քանի միլիարդ դրամ չեք պլանավորել և հպարտությամբ այն ասում ե՞ք։ Դուք առնվազը հենց հիմա պետք է դիմում գրեիք, գործից գնայիք»,- Քաղաքապետարանի աշխատակազմի եկամուտների հաշվառման և գանձման վարչության պետի պաշտոնակատար Դավիթ Հակոբյանին դիմեց ավագանու անդամ Մեսրոպ Մանուկյանը։
Նա դիմեց Ավինյանին՝ ասելով. «Պարոն Ավինյան, մի հատ իմ աչքերի մեջ նայեք, բան ասեմ։ Բարի խորհուրդ Ձեզ, իմ ելույթները դրեք նայեք, լսեք, այս խնդրի մասին մի քանի տարի առաջ խոսել եմ։ Ասել եմ, որ շինարարներն էս օրին են ընկնելու, քաղաքացիներն անտուն են մնալու, ասել եմ, որ գույքահարկը շատ եք բարձրացնում։ Ո՞ր մեկն եք լսել ու հետո ասում եք եկամուտները չեք պլանավորել։ Պատրաստ եմ իմ մասնագիտական գիտելիքներով ձեզ բացատրել բյուջետային պլանավորումը»։
Մանուկյանը հարցրեց Ավինյանին, թե քանի մլրդ դրամի մուտք չի լինի համայնքի բյուջե, կառուցապատողներին գույքահարկի արտոնությունը կիրառելու դեպքում։
«Պարոն Մանուկյան, ասեմ, որ մենք բոլորով հավաքվել և ձեր ելութներն ենք լսել և համապատասխան եզրակացություններ ենք կատարել»,- ասաց Տիգրան Ավինյանը, ինչին Մանուկյանն արձագանքեց. «Չեմ հավատում, եթե լսեիք՝ մի երկու բան կսովորեիք»։
Դավիթ Հակոբյանն ասաց, թե խոսքը գնում է 3.5-4 մլրդ դրամ գույքահարկի մասին, որից միջինը 45 % արտոնություն է տրվելու։
Իր ելույթում Մանուկյանը հրաց հնչեցրեց, թե կառուցապատողների հետ միասին, ինչու քաղաքապետարանը չի ցանկանում քաղաքացիներին էլ գույքահարկի արտոնություն տա։
«Տիգրան Ավինյան, ես մտածում եմ, էդ ժպիտը, որ եկավ ձեր դեմքին, ձգտում եք, որ սերիալի հերոս դառնաք, փորձեմ Ձեզ ինչ-որ մի ձևով խրարխուսել այդ հարցով»,-իր ելույթում Ավինյանի դեիմեց ՄեսրոպՄանուկյանը