https://www.youtube.com/watch?v=eTp76b-JVSU&feature=emb_logo
Մայր Աթոռ Սուրբ Էջմիածնում տեղի է ունենում գիտաժողով՝ նվիրված հայ ականավոր բանաստեղծ Սիլվա Կապուտիկյանի 100-ամյակին:
Սիլվա Կապուտիկյանը ծնվել է 1919 թ. հունվարի 20-ին Երևանում։ 1941 թ. ավարտել է Երևանի պետական համալսարանի բանասիրական ֆակուլտետը: 1949-50 թթ. սովորել է Մոսկվայում: 1948 թ. ընդունվել է ԽՍՀՄ կոմունիստական կուսակցության շարքերը: 1945 թ. լույս է տեսել «Օրերի հետ» բանաստեղծությունների 1-ին ժողովածուն, այնուհետև հրատարակել է 60-70 գիրք` բանաստեղծություններ և արձակ` հայերեն, ռուսերեն, անգլերեն, վրացերեն, լիտվերեն, ուկրաիներեն, թուրքերեն և այլ լեզուներով: 1952 թ. «Իմ հարազատները» բանաստեղծությունների ժողովածուի համար արժանացել է ԽՍՀՄ, իսկ 1988 թ.` ՀԽՍՀ պետական մրցանակներին, նույն թվականին ստացել նաև իտալական «Նոսիդիե» կոչվող գրական մրցանակը: Ունի մանկական ստեղծագործությունների մոտ 40 հրատարակություն` հայերեն, ռուսերեն, նախկին ԽՍՀՄ շատ ժողովուրդների լեզուներով: Կապուտիկյանն արժանացել է Հայաստանի և Վրաստանի արվեստի վաստակավոր գործչի, Երևանի պատվավոր քաղաքացու կոչումներին, 1998 թ. Քեմբրիջի միջազգային աշխարհագրական ինստիտուտի կողմից ստացել «Տարվա կին» տիտղոսը: Մահացել է 2006 թ. օգոստոսի 25-ին: Գերեզմանը գտնվում է Երևանի Կոմիտասի անվան պանթեոնում, որտեղ ամեն տարվա սեպտեմբերի վերջին շաբաթ օրը կազմակերպվում է նրա անվան պոեզիայի օր:
Գիտաժողովին կարող եք հետևել Tert.am-ի ուղիղ հեռարձակմամբ։