Օկուպացված Ստեփանակերտում տղամարդը նռնակ է նետել ոստիկանի վրա։ Այս մասին հայտնում են ադրբեջանական լրատվամիջոցները` նշելով, որ կասկածյալը հայ է, 1967 թվականին ծնված Կարեն Ալբերտյ Ավանեսյանը: Ըստ ադրբեջանական լրատվամիջոցների` Ավանեսյանը քաղաքից դուրս գտնվող անտառի թաքստոցից նախապես վերցրել էր Կալաշնիկովի ինքնաձիգ, 4 փամփուշտատուփ, ինչպես նաև նռնակ։ «Դրանից հետո նա փորձել է մոտենալ քաղաքում տեղի ունեցած միջոցառումներից մեկի վայրին և ձերբակալվել ոստիկանության աշխատակիցների կողմից։
Ձերբակալության ժամանակ Ավանեսյանը 3 նռնակ է նետել ոստիկանների վրա և կրակել ինքնաձիգից», – ասվում է հաղորդագրության մեջ։ Միջադեպի արդյունքում վիրավորվել է ոստիկաններից մեկը։ Ավանեսյանը նույնպես վիրավորվել է և ձերբակալվել։