Անգամ եղբորս ելքն են փակել, որ երկրից դուրս չգա, թե եղբայրս ինչ կապ ունի, ես չգիտեմ։ Այս մասին դատարանի բակում ասաց Գյումրիի քաղաքապետ Վարդան Ղուկասյանն՝ անդրադառնալով հարցին, թե ինչու են իր և որդու նկատմամբ քրեական գործեր հարուցվել։
Հարցին, թե արդյոք իր քննադատություններ են պատճառը՝ նա պատասխանեց. «Բա դեմոկրատիա է, ինչո՞ւ պիտի բոլոը լինեն ՔՊ-ական։ Ամբողջ աշխարհում էդպես է, կա ընդդիմություն ու դիմություն, պարտադիր պիտի բոլորը ՔՊ-ական լինե՞ն։ Աշխարհում չեմ տեսել մի իշխանություն, որ էսքան հոգս պատճառի իր ժողովրդին։ Ճիշտն ասած՝ զարմանում եմ, որ էսքան բոլորի վրա գործեր են հարուցում, բոլոր նախկին քաղաքապետերը դատվում են, ցանկացած առողջ ուժ քարկոծվում է, պիտակավորվում, ում հետևից ժողովուրդը գնում է՝ պետության կողմից թիրախավորվում են։
Լևոն Տեր Պտերոսյանն ասում էր՝ այս տարածաշրջանում պետք է ապրի 1 մլն բնակչություն, դրանից հետո ով եկավ՝ նպաստեցին, որ Հայաստանի բնակչության թիվը նվազի։ Հավանական է, դա դրսի ուժերն են անում»։
Նա ընդգծեց, որ այսօր հայ ժողովրդին զենք է պետք։ «Պետք է գործարան, ռազմական արդյունաբերություն Հայաստանում փամփուշտ արտադրո՞ւմ են, ուրեմ մենք էդքան խելք չունե՞նք, չենք կարող։ 1941 թ-ին ՀՀ-ում արտադրել են 110 տեսակի զենք-զինամթերք, պատերազմի շեմին կանգնած երկիր ենք, բայց էսօր զենք չենք արտադրում, էսքան պոտենցիալն ունենք , էսքան գիտանական ունենք, բայց զենք չենք արտադրում, ամբողջ աշխարհի ամենաժամանակակից զենքերի արտադրության հեղինակների մոտ տեսնում ես «յան» ազգանունը, բա ոնց հասկանանք։ Այսինքն, հայ ժողովուրդը չի՞ մտածում իր ապագայի համար»,-ասաց նա։