Խաղաղության գնացող Ադրբեջանը շարունակում է զգալիորեն մեծացնել ռազմական ծախսերը։ Ադրբեջանական ԶԼՄ-ները, վկայակոչելով ֆինանսների նախարարության «Ադրբեջանի Հանրապետության 2026 թվականի պետական և համախմբված բյուջեների նախնական ցուցանիշների մասին» փաստաթղթին, գրում են, որ ռազմական ծախսերը 2026 թվականի համար կկազմեն 8 միլիարդ 714,8 միլիոն մանաթ։
Սա 3.8 տոկոսով ավելին է, քան նախատեսված էր 2025 թվականին։
Ֆինանսների նախարարության փաստաթղթում նշվում է, որ ծախսերն իրականացվելու են հիմնական վեց ուղղություններով, որոնից մեկն էլ «երկրի պաշտպանունակության ամրապնդումն է, ներառյալ սահմանների վերականգնումը և անձեռնմխելիության ապահովումը, բանակի նյութատեխնիկական ապահովման արդիականացումը, տարածքների ականազերծումը, զինծառայողների սոցիալական ապահովության և ծառայության պայմանների բարելավմանն ուղղված համալիր միջոցառումների և նախագծերի իրականացումը»։