Բաքվի դատարանում հերթական կեղծ դատավարության ժամանակ Արցախի Հանրապետության նախկին պետնախարար Ռուբեն Վարդանյանը միջնորդել է հարցաքննել Նիկոլ Փաշինյանին, ԵԱՀԿ Մինսկի խմբի անդամներին և ԿԽՄԿ ներկայացուցիչներին։
Մեղադրանքի կողմ հանդիսացող դատախազները խնդրել են մերժել միջնորդությունը։
Այս միջնորդությունը թողնվել է առանց քննության։
Ռուբեն Վարդանյանը դատարանին մեկ այլ միջնորդություն է ներկայացրեց՝ նշելով, որ ինքը զինծառայող չէ և, հետևաբար, համաձայն չէ իր քրեական գործը ռազմական դատարանում քննելու հետ։
Այս միջնորդությունը նույնպես մերժվել է այն հիմքով, որ «մեղադրյալի դեմ առաջադրված որոշ հանցագործություններ ռազմական հանցագործություններ են»:
Մեկ այլ միջնորդությամբ Ռուբեն Վարդանյանը նշել է, որ համաձայն չէ Ադրբեջանի Հանրապետության պետական սահմանը անօրինի հատելու մեղադրանքին։ Նա նաև խնդրել է դատարանում հարցաքննել Արցախում խաղաղապահ առաքելություն իրականացրած ռուսական զորակազմի հրամանատարներին։
Միջնորդությունը մերժվել է։ Ռ.Վարդանյանն և նրա փաստաբանը տեղեկացվել են ապագայում այս միջնորդությունը կրկին ներկայացնելու հնարավորության մասին։