Պետերբուրգում Ուկրաինայի հատուկ ծառայությունների գործակալական ցանց է բացահայտվել, որն ահաբեկչություն էր նախապատրաստում։
Սանկտ Պետերբուրգում ուկրաինական հատուկ ծառայությունների գործակալներ են ձերբակալվել, որոնք պատրաստվում էին սպանել պաշտպանական ձեռնարկություններից մեկի ղեկավարին։ Տեղեկությունը հայտնում է ՌԴ անվտանգության դաշնային ծառայությունը։
Հանցագործները պատրաստվում էին պայթեցնել պաշտպանական ձեռնարկություններից մեկի ղեկավարի մեքենան։ Քաղաքի գերեզմանատներից մեկում թաքստոց է հայտնաբերվել, որտեղ ռումբ է եղել։ Ձերբակալվածներին սպառնում է ընդհուպ մինչև ցմահ ազատազրկում:
«Անվտանգության դաշնային ծառայությունը կանխել է ուկրաինական հատուկ ծառայությունների գործակալական ցանցի գործունեությունը, որը բաղկացած էր1993, 1994 և 2006 թվականներին ծնված երեք ռուսաստանցի քաղաքացիներից, որոնք ներգրավված էին պաշտպանական արդյունաբերության ձեռնարկություններից մեկի ղեկավարի դեմ ահաբեկչական հարձակում նախապատրաստելու մեջ՝ նրա մեքենան ինքնաշեն պայթուցիկ սարքով պայթեցնելու ճանապարհով», – ասվում է հաղորդագրության մեջ։
ԱԴԾ – ն հրապարակել է գործակալներից մեկին ձերբակալելու կադրերը։ Տեսագրությունում երևում է, թե ինչպես է չարագործը երկար կիսաշրջազգեստով և ձեռնափայտով մոտենում ամենագնացին, որոշ ժամանակ մնում տարածքում, հետո հեռանում։
Հատուկ ծառայության տվյալներով՝ գործակալը կիսաշրջազգեստ է հագել իրավապահներին շփոթեցնելու համար։