Երևանի ավագանու «Հանրապետություն» խմբակցության ղեկավար Անի Խաչատրյանը «Ֆեյսբուք»-ի իր էջում անդրադառնալով Շարմազանովին՝ գրել է.
«Մոսկվայի մունետիկ Շարմազանով
Ձեր «պատմական» էքսկուրսները թողեք ձեր աշխարհաքաղաքական տերերի գրասենյակներում, որտեղ հերթով օճառը ձեռքից ձեռք եք փոխանցում։
Երևանը ոչ թե ձեր սովետական մանկության նոստալգիայի հուշարձանն է, այլ ԱՆԿԱԽ Հայաստանի մայրաքաղաքը։ Եթե ձեզ համար սրբություն է Ստալինգրադի անվանումը, գնացեք-ապրեք Ստալինգրադում ու ձեր պատուհանից նայեք, թե ինչպես է Ռուսաստանը «փրկում» իր ինքնությունը։
Քըրք Քըրքորյանը իր ամբողջ կյանքով ապացուցեց, որ հայ է, իսկ դուք, պարոն Շարմազանով, ամբողջ կյանքում ապացուցեցիք, որ մնում եք խորհրդային գործկոմի ծառայող՝ ուրիշի դրոշի տակ։
Եվ վերջապես՝ «թրքահպատակ» պիտակը պահեք ձեզ, երբ կանգնում եք հայելու առաջ։ Թրքահպատակը նա է, ով իր մայրաքաղաքը շարունակում է կապկպել օտարի անուններով, ուրիշի հաղթանակները ավելի է սրբացնում, քան սեփական ժողովրդի գործը։ Թրքահպատակը նա է, ով ամեն բառի մեջ սպասարկում է տիրոջը, ոչ թե հպարտանում ԱՆԿԱԽ հայրենիքով։
Հ.Գ.
Համենայն դեպս՝ հարցնեմ՝ ո՞ր երկրի ԱԳՆ պաշտոնական ներկայացուցիչն էր ձեզ ֆաշիստ անվանում՝ Երևանում Գարեգին Նժդեհի արձանը դնելուց հետո: Այն ժամանակ հարցեր չունեի՞ք, թե՞ համաձայն էիք»: