Այսօր վաղ առավոտից կրկին մարդաշատ է «Եռաբլուր» զինվորական պանթեոնը։ Ուղիղ 5 տարի առաջ այս օրը սկսվեց Արցախյան երրորդ պատերազմը, որը տևեց 44 օր։ Հազարավոր զոհեր, վիրավորներ, հարյուրավոր անհետ կորածներ, անօթևան մնացած արցախցիներ…
Հազարավոր արցախցիներ այսօր չեն կարող այցելել իրենց հարազատների շիրիմներին… Արցախում են մնացել շիրիմները՝ այժմ թշնամի Ադրբեջանի վերահսկողության տակ։ Չգիտեն էլ՝ կամ գերեզմանները, թե թշնամին պղծել է արդեն։
Արցախցիներն այսօր գալիս են Եռաբլուր՝ վերջերս բացված «Արցախի կանչը» հուշահամալիր առջև ծաղիկներ խոնարհելու, Եռաբլուրում հուղարկավորված իրենց հայրերի, որդիների, եղբայրների, հարազատների շիրիմներին։
Արցախի նախագահ Սամվել Շահրամանյանը, Արցախի թեմի առաջնորդը, Արցախի այլ պաշտոնյաներ այսօր այցելեցին Եռաբլուր՝ հարգանքի տուրք մատուցելու 44-օրյայի զոհերի հիշատակին։
Նիկոլ Փաշինյանը բավարարվել է մեկ տողով ուղերձով՝ «Փառք նահատակներին եւ կեցցե՛ Հայաստանի Հանրապետությունը», կից հրապարակելով նաև «Քաղաքացիական պայմանագիր» կուսակցության համագումարի ժամանակ արված իր լուսանկարը, որտեղ ծնկի էր եկել։