Քաղաքագետ Հակոբ Բադալյանի տելեգրամյան գրառումը.
Ադրբեջանի նախկին արտգործնախարար Թոֆիկ Զուլֆուղարովը, որը անկասկած պաշտոնական Բաքվի «ոչ պաշտոնական» խոսափողերից է, հայտարարել է, թե Մոսկվա այցի ժամանակ ՌԴ նախագահ Պուտինը վարչապետ Փաշինյանին արգելել է կատարել օգոստոսի 8-ին ձեռք բերած պայմանավորվածությունները:
Ըստ իս, այս դեպքում էլ՝ Զուլֆուգարովի բերանով բարբառում է Իլհամ Ալիեւը: Ըստ էության, սա «մատնագիր» է Արեւմուտք՝ Մոսկվայի ու Երեւանի հասցեին: Ինչու՞: Մեծ հավանականությամբ, Փաշինյանի մոսկովյան այցը պարունակել է հանգամանքներ, որոնց առնչությամբ Բաքուն ունի դժգոհություն:
Միեւնույն ժամանակ, եթե Ադրբեջանը փորձում է այդ «մատնագրով» Մոսկվայի ու Երեւանի վրա դնել «պայմանավորվածությունների խախտման» պատասխանատվություն, ապա արժե թերեւս մտածել, որ ամենայն հավանականությամբ Բաքուն ինքն է ստացել որեւէ դեստրուկտիվ վարքագծի պատվեր այն միջավայրից, դեպի ուր հղում է «մատնագիրը»: