Եթե վարժական հավաքների հետ կապված խնդիրների շուրջ աչքակապություն անեինք, ապա ամեն ինչ կթաքցվեր, շտկումներ ու փոփոխություններ չէին իրականացվի։ Այս մասին Աժ-ում ասաց Պաշտպանության փոխնախարար Արման Սարգսյանն՝ անդրադառնալով բարձրացված խնդիրներին։
«Այս ոլորտում չկան մեծագույն պրաբլեմներ, այդ ձևակերպումը ուռճացված է, մենք օր-օրի տեսնում ենք փոփոխություններ և այդ փոփոխությունները դրական են։ Նախկինում վարժական հավաքները իրականացվել են ձևական, իսկ այսօր իրականացվում են ըստ էության, ըստ բովանդակության, ըստ նշանակության։ Ցանկալի չի այս ամբիոնից հնչեցնե, թե զորքի թվաքանակը չի հերիքում, դրա համար վարժական հավաքների մարդկանց ներկայացնում են նաև մարտական հերթապահության, այդ ամբողջը իրականացվում է մասնագիտական գիտելիքների ամրապնդման և նաև մարտական հերթապահություն իրականացնելու միջոցով, իրենց ծառայությունն իրականացնելու միջոցով։ 24 օրից 10 պրը, ըստ զինվորական հաշվառման մասնագիտության, իրենք ենթակվում են համապատասխան ուսումնասիրությունների, իրենց կարողությունները զարգացնում են և այլն»,-ասաց նա՝ ընդգծելով, որ իրենք նաև օրենսդրական փոփոխություններով բարելավել են հավաքների ներկայացողների իրավիճակը, որպեսզի վարժական հավաքների ներկայացողների նեղություն չպատճառեն։