ԲԿ-ի մամուլի ծառայությունից «Փաստինֆո»-ին հայտնել են, որ դեռևս ժամը 9-ի սահմաններում տղան ընդունվել է հիվանդանոց, որտեղ նրա վիճակը գնահատվել է ծանր։ Բժիշկների արագ միջամտությամբ հիվանդի վիճակը կայունացվել է։
«Մասնագետների որոշմամբ՝ որոշակի հետազոտություններից հետո ընդունվել է որոշում տղային սանավիացիայի ուղղաթիռով տեղափոխել Երևան՝ նեղ մասնագիտական բուժօգնություն ստանալու նպատակով»,– հայտնել են Վանաձոր ԲԿ-ից։
Նախնական տվյալներով, տղայի մոտ նկատվել են անոթային բնույթի խնդիրներ, սակայն բուժհաստատությունից ասում են, որ հստակ ախտորոշումը կտրվի միայն մայրաքաղաքի մասնագիտացված հիվանդանոցում անցած բոլոր հետազոտություններից հետո։