«Ես որոշում կկայացնեմ այդ հարցում, բայց նրանք ցանկանում են անցնել հարձակման»,-ԱՄՆ նախագահի խոսքերը մեջբերել է CNN-ը ։ Թրամփը նշել է, որ այդ հարցը կքննարկի Ուկրաինայի առաջնորդ Վլադիմիր Զելենսկու հետ հոկտեմբերի 17-ին կայանալիք հանդիպման ժամանակ։
Սպիտակ տան ղեկավարը նաև կոչ է արել Ռուսաստանի նախագահ Վլադիմիր Պուտինին դադարեցնել պատերազմը։ «Դադարեցրեք ուկրաինացիների սպանությունը և դադարեցրեք ռուսների սպանությունը, որովհետև նա շատ ռուսների է սպանում»,-ասել է Թրամփը։
Զելենսկին նախկինում հույս էր հայտնել, որ ԱՄՆ նախագահի հետ առաջիկա բանակցությունները կօգնեն Ուկրաինային մոտենալ Ռուսաստանի հետ պատերազմի ավարտին։ Նա ասել է, որ բանակցություններից առաջ ուկրաինական կողմը կատարել է իր «տնային աշխատանքը»։
«Patriot-ի և Tomahawk-ի նման գործիքները կարող են օգնել խաղաղության երկարաժամկետ հիմք դնել»,-ասել է Զելենսկին։ Թրամփը նաև հաստատել է, որ քննարկում է Կիևին մոտ 2500 կմ հեռահարության Tomahawk թևավոր հրթիռների վաճառքի հարցը։