«Ժամկետային զինծառայության ժամկետը հունվարի 1-ից կրճատվում է»,- այս մասին հայտարարել է Նիկոլ Փաշինյանը:
Ֆեյսբուքյան էջում հրապարակված տեսանյությում նա ասել է. «Պաշտպանության նախարարությունը խորհրդարանական գործընկերների հետ քննարկումների արդյունքում օրենսդրական նախաձեռնություն էր դրել շրջանառության մեջ, որով առաջարկում էր Հայաստանում ժամկետային զինվորական ծառայության ժամկետը երկու տարվա փոխարեն սահմանել մեկուկես տարի։
Ի սկզբանե նախատեսված էր այս կարգավորումը ուժի մեջ մտնի 2026 թվականի ամառային զորակոչից։ Բայց այսօր քննարկում եմ ունեցել պաշտպանության նախարարի հետ, նախորդող շրջանում խորհրդարանական գործընկերների հետ, որոշել ենք օրենքն ավելի շուտ ուժի մեջ մտնի՝ 2026 թվականի հունվարի 1-ից, այսինք 2026 թվականի հունվարի 1-ից՝ ձմեռային զորակաչից, Հայաստանում ժամկետային զինծառայությունը երկու տարվա փոխարեն կլինի մեկուկես տարի»։