Երեկ պարզ դարձավ, որ վերջին 30 տարում առաջին անգամ Ադրբեջանի տարածքով ղազախական ցորեն պետք է ներկրվի Հայաստան։ Այս մասին, այսօր՝ հոկտեմբերի 22–ին, ԱԺ–ում հայտարարեց ՔՊ խմբակցության պատգամավոր Բաբկեն Թունյանը։
«Երեկվանից կարդում եմ արձագանքները ու անկեղծ ասեմ, այդ մասին գրառում էլ եմ արել, բայց մի անգամ էլ ասեմ, զարմանում եմ, որովհետեւ ոնց որ վատ վան է տեղի ունեցել։
Այդ գրառումից հետո երեկ նայում էի տիկին Վարդանյանի (Քրիստինե Վարդանյան–խմբ) հարցազրույցը Պետրոս Ղազարյանին, որտեղ նա ոչ մի դրական բան չի տեսնում այդ ամենի մեջ։
Հիմա ուզում եմ հարց տալ, մանավանդ, որ ձեր խմբակցությունում կան մարդիկ, որ պետական պաշտոններ են զբաղեցրել, այդ թվում նաև տնտեսական միջազգային հարաբերությունների ոլորտում, պարոն Մինասյանը, պարոն Խաչատրյանը, պարոն Ավետիսյանը, պարոն Ռուստամյանը, պարոն Գևորգյանը, խնդրում եմ վեր կենալ և ուղիղ, առանց մանևրելու ասեք՝ տեղի ունեցածը Հայաստանի համար դրական զարգացո՞ւմ է, թե ոչ»,–ասաց Թունյանը։