Ծափաթաղում և հարակից վայրերում շարունակվում են 3-ամյա Տիգրանի որոնողական աշխատանքները։ Ծափաթաղում, հարակից վայրերում , անտառում և անգամ Սևանա լճում փնտրում են փոքրիկին։ Այս մասին «Փաստինֆո»-ին տեղեկացրել է ՆԳՆ մամուլի խոսնակ Նարեկ Սարգսյանը։
«Փրկարարներն ունեն այնպիսի սարքեր, որոնք հնարավորություն են տալիս անգամ Սևանա լճի հատակը նկարել և ուսումնասիրել։ Որոնման աշխատանքների համար օգտագործվում են անհրաժեշտ բոլոր գործիքները։ Ներգրավված են ոստիկանկան և փրկարարակա մեծաթիվ ուժեր։ Չի բացառվում և ոչ մի վարկած։ Առայժմ դրական նորություն չկա», – ասել է խոսնակը՝ արձագանքելով հարցին, թե արդյոք ջրասուզակներ եւս ներգրավվել են։
Գեղարքունիքի մարզի Ծափաթաղ համայնքի 3 ամյա Տիգրան Օվանեսովի անհետացման մասին ՆԳՆ ոստիկանության օպերատիվ կառավարման կենտրոն հաղորդում է ստացվել հոկտեմբերի 27-ից. ժամը 18.00-ի սահմաններում։ Տիգրանը կորել է 16.30-ի սահմաններում։