«Օրենքի նախագծով նախատեսվում է շարքային կազմի պարտադիր զինվորական ծառայության 24-ամսյա ժամկետը փոխարինել 18-ամսյա ծառայության ժամկետի»,-կառավարության նիստումասաց պաշտպանության նախարաի տեղակալ Արման Սարգսյանը՝ զեկուցելով համապատասխան օրենքի նախագիծը։
Փոխնախարարը հայտնեց, որ գործողության ժամկետը տեղափոխվում է 2026 թ հունվարի 1-ից հետո պարտադիր զինվորական ծառայության զորակոչվող քաղաքացիների վրա։
Նա նաև հայտնեց, որ 2025 թվականի ձմեռային զորակոչի գործընթացը սկսվում է հունվարի 7-ից, որի արդյունքում 18-ամսյա ծառայության ժամկետ են անցնելու 2025 թվականի ձմեռային զորակոչից սկսած պարտադիր զինվորական ծառայություն անցնողների վրա։ Սարգսյանը հայտնեց, որ օրենքը չի տարածվի 2026 թ-ի հունվարի 1-ի դրությամբ ծառայող քաղաքացիների վրա։
Հայտնելով, որ վերջին տարիներին ռազմուժի կարիքները հնարավոր է եղել լուծել պայմանագրային ծառայության միջոցով՝ Սարգսյանը նշեց, որ միայն Պաշտպան հայրենյաց ծրագրով արդեն 4220 զինծառայող կա։