Ավելի քան երեսուն տարվա կոնֆլիկտը լուծված է քաղաքական առումով, բայց սոցիալ-հոգեբանական առումով հնարավոր չէ անջատիչն անջատել ու արգելակները կանգնեցնել։ Դրա համար այն պարբերաբար արտահայտվում է Հայաստանում ու Ադրբեջանում՝ մամուլի, փորձագետների ու անգամ երկրների ղեկավարների մակարդակով, «Օրբելի» կենտրոնի կազմակերպած ֆորումի ժամանակ ասել է Փաշինյանը:
«Սա չի նշանակում, որ մենք պետք է մոռանանք պատմությունը, բայց չպետք է նաև դառնանք պատմությունը վերարտադրող»,- ասել է նա:
Նշենք, որ երեկ Ալիևը հայտարարել է, որ «չկա Սևանա լիճ, կա Գյոյչա լիճ. այսօրվա Հայաստանի տարածքում գրեթե բոլոր տեղանուններն ադրբեջանական ծագում ունեն»:
Նա նաև հավելել է, որ Լեռնային Ղարաբաղից տեղահանվածների վերադարձի օրակարգը համարում է վնասակար խաղաղության համար։
«Ես ասել եմ մի բան, որ գուցե մի տարի-երկու տարի առաջ կլիներ աներևակայելի։ Ես ասեցի, որ Լեռնային Ղարաբաղից տեղահանված մեր քույրերի և եղբայրների վերադարձի օրակարգը ես համարում եմ վնասակար խաղաղության համար։ Եվ ասել եմ նաև, որ այդ թեման՝ ներքին տեղահանվածների վերադարձի օրակարգն ընդհանրապես վտանգավոր է, որովհետև դա նշանակում է վերադառնալ կոնֆլիկտի նախնական պարամետրերին։», – մասնավորապես նշեց Փաշինյանը։