Դա նշանակում է, որ էդպիսի ցորեն էլ է պետք Հայաստանի Հանրապետության համար։ Այս մասին, այսօր՝ նոյեմբերի 11–ին, ԱԺ–ում լրագրողների հետ զրույցում նշեց Էկոնոմիկայի փոխնախարար Էդգար Զաքարյանը՝ անդրադառնալով հարցին, թե ինչու է Ադրբեջանի տարածքով երկաթուղթով 4–րդ կարգի ցորեն բերվել Հայաստան։
Դիտարկմանը, որ սկզբում նախարարությունը չի ասել՝ ինչ ցորեն է, որ եկողն անասնակեր է, փոխնախարարն ասաց. «Ասվել է, որ ցորեն է գալիս, չի նշվել՝ ինչպիսի ցորեն։ Ասե՞լ են, որ ուրիշ ցորեն է գալիս, բայց մեկ այլ ցորեն է եկել։ Միայն ասել են, որ ցորեն է գալիս։ Իսկ այդ ցորենը ցորեն չի՞։ Կենդանին, որ ուտում է, հետո մեզ ինչ որ բան չի տալի՞ս՝ կաթ կամ միս։
Բայց ինչի՞ պետք է նախապես նշվել, թե ինչ որակի ցորեն է։
Ընդհանրապես, եթե ճանապարհները դիվենսիֆիկացվում են, դա լավ է։ Հիմա թե, այսօր անասնակեր է եկել, վաղն էլ կգա բարձրակարգ ցորեն, դա էլ արդեն կյանքը ցույց կտա։ Բայց պարզ է չէ՞, որ եթե ճանապարհները դիվերսիֆիկացվում են նշանակում է որ պետությունը բացվում է ու դա լավ է։ Հնարավոր է՝ գնիջեցում լինի, հնարավոր է՝ տարբեր բաներ։
Ո՞նց եք կարծում, այդ ցորենը, որ եկել է, պետք չի, ուղղակի եկե՞լ է»։
Ինչ վերաբերում է նրան, թե արդյո՞ք նույնպիսի աղմուկ կլիներ, եթե նախապես ասվեր, որ անասնակեր է գալիս, փոխնախարարն արձագանքեց. «Աղմուկը դիվերսիֆիկացիայի մասին էր բարձրացված, չգիտեմ ում կողմից, բայց ոչ կառավարության կողմից, իսկ դիվերսիֆիկացիան, որ եղել է, շարունակվում է լինել, լավ է։
Ի սկզբանե, բոլորն էլ ասում էին, որ հացի խնդիր չկա, սոված չենք եղել, չենք լինի, բայց ճանապարհների դիվերսիֆիկացիան կարևոր բան է»։
Լրագրողները հիշեցրին, որ անգամ օրակարգ էր ստեղծվում, որ հնարավոր է հացի գինն իջնի այս մատակարարման շնորհիվ, և նախարարությունը չէր ասում, որ սա հացի գնի հետ կապ չունի, Էդգար Զաքարյանն ասաց. «Հացի գնի հետ կապված, կարծեմ, հարց եղել է, այդ հարցին պատասխանվել է, որ հացի գնի մեջ տարբեր կոմպոնենտներ կան և միայն ճանապարհը չի։ Ուստի այս պահին ոչ թե կոնկրետ այս դեպքը, այլ դիվերսիֆիկացիան, նայած թե ինչ չափով կազդի հացի գնի վրա»։
Նա ընդգծեց, որ Ռուսաստանից եկղողն արդեն նորմալ ցորեն է։