Վաղարշապատում անհայտ անձինք՝ քաղաքացիական հագուստով, հարձակվել են, տապալել գետնին և առևանգել «Մայր Հայաստան» շարժման աջակից, բլոգեր Օնո Հարությունյանին։ Այս մասին NEWS.am–ի հետ զրույցում ասաց «Մայր Հայաստան» շարժման առաջնորդ Անդրանիկ Թևանյանը։
«Հիմա ուզում ենք հասկանալ, թե ովքեր են եղել այդ անձինք։ Օնո Հարությունյանը մեր շարժման աջակիցն է և տարիներ շարունակ սուր քննադատում է իշխանություններին։ Նա Վաղարշապատում հայտնի բլոգեր է։ Այս ընտրություններում մեզ է աջակցում։ Ընկերուհու հետ է եղել։ Հիմա մեր փաստաաբաններին խնդրել ենք պարզել, թե ինչ է տեղի ունեցել»,–ասաց Անդրանիկ Թևանյանը։