Ուկրաինան կարող է արդեն փետրվարին սպառել բյուջետային միջոցների պաշարները, եթե Եվրոպական միությունը չկարողանա համաձայնության գալ Կիևին «ռեպարացիոն վարկեր» տրամադրելու շուրջ՝ սառեցված ռուսական ակտիվների բռնագրավման հաշվին։ Այս մասին գրում է «Politico» պարբերականը։
«Ուկրաինան 2025 թվականին 2026 թվականին անցնելուն պես ֆինանսավորման ճգնաժամի կբախվի և փետրվարին կարող է գումար չունենալ, եթե Բելգիան չդադարեցնի իր պահոցում պահվող Ռուսաստանի բանկի սառեցված ակտիվների միջոցով 140 միլիարդ եվրոյի փոխհատուցման վարկեր տրամադրելու համարձակ ծրագրի արգելափակումը», – գրում է պարբերականը։
Ավելի վաղ «Politico»-ն գրել էր, որ Ուկրաինայի բյուջեի ֆինանսավորման հետ կապված խնդիրները կարող են առաջանալ միայն մինչև 2026 թվականի ապրիլը։ Հոդվածում չի մանրամասնվում, թե ինչի հետ կապված է պարբերականի կանխատեսման փոփոխությունը։ Բելգիան հոկտեմբերին արգելափակել է սառեցված ռուսական ակտիվները բռնագրավելու նախաձեռնությունը՝ պատճառաբանելով, ի թիվս այլ բաների, նաև երաշխիքների անհրաժեշտությունը, որ ապագայում իրեն միայնակ չի հաջողվի փոխհատուցում վճարել Ռուսաստանին։ Եվրամիության երկրների ղեկավարները նախատեսում են հարցը կրկին քննարկել դեկտեմբերին կայանալիք հաջորդ գագաթնաժողովում, սակայն, քանի որ այն մոտենում է, «քիչ նշաններ կան, որ ԵՄ պաշտոնյաները և Բելգիայի կառավարությունը կարող են դուրս գալ փակուղուց», գրում է պարբերականը։
Քանի որ ԱՄՆ-ն դադարեցրել է Կիևին տրամադրվող ֆինանսական աջակցությունը, Եվրամիությանը ստիպված կլինի ինքնուրույն լուծել խնդիրը, ասվում է հրապարակման մեջ։ «Եթե չլինեն ռեպարացիոն վարկեր, ապա ծայրահեղ անհավանական է թվում, որ [ԵՄ] անդամ երկրները համաձայնեն դրա փոխարեն դիմել պետական փոխառություններին», – գրում է թերթը։ Հետևաբար, Ուկրաինային աջակցելու համար միջոցները, ի վերջո, ստիպված կլինի փնտրել «ցանկացողների կոալիցիան», ընդ որում, դա պետք է արվի երկրում առկա քաղաքական անկայունության և կոռուպցիոն սկանդալի ֆոնին։