Երեկ ՀԾԿՀ նախագահին ուղիղ հարց են տալիս՝ թանկացվելո՞ւ է հոսանքը, թե ոչ, նա ուղղակի ծիծաղելի պատասխան է տալիս՝ ասելով. Հաշվի առնելով, որ սա աննախադեպ գործընթաց է, ոչ մի ռիսկ չեմ բացառում, այսինքն ուղղակի վախեցավ հայտարարել, որ չի բարձրանալու սակագինը։ Այս մասին, այսօր՝ նոյեմբերի 18–ին, դատարանի դիմաց լրագրողների հետ զրույցում նշեց ՀԷՑ–ի նախկին տնօրեն Դավիթ Ղազինյանը։
«Սա այն դեպքում, որ Սամվել Կարապետյանը հայտարարել էր, որ 10 տարի չենք թանկացրել և 10 տարի էլ չենք թանկացնելու։ Նույն սուբյեկտը երեկ ասում է՝ իսկ ո՞վ կարա ասի՝ թանկացնելու ենք, թե ոչ։ Թանկացնողը միայն հանձնաժողովն է։ Սամվել Կարապետյանը հայտարարել է, որ մենք հայտով հանդես չենք գալու, որպեսզի թանկանա։ Մնացած մասով, իհարկե, հանձնաժողովը կարող է թանկացնել»,–ասաց նա՝ չբացառելով, որ նախընտրական շրջանում կարող են էժանացնել էլեկտրաէներգիայի սակագինը, հետո բարձրացնել»,–ասաց նա։
Նշենք, որ ՀՀ հանրային ծառայությունները կարգավորող հանձնաժողովն (ՀԾԿՀ) իր երեկվա՝ նոյեմբերի 17–ի, նիստում որոշում կայացրեց չեղյալ հայտարարել ՀԷՑ–ի՝ «Տաշիր կապիտալ» ընկերությանը տրված լիցենզիան։ Որոշմանը կողմ է քվեարկել ՀԾԿՀ 4 անդամ, դեմ՝ մեկը։ Դեմ քվեարկողը ԱԺ նախկին պատգամավոր, ՀՅԴ նախկին անդամ Արա Նռանյանն է։