2026 թ–ի սեպտեմբերի 1-ից Հայաստանում երեխայի ծննդյան միանվագ նպաստը կսահմանվի 500.000 դրամ՝ անկախ երեխայի կարգաթվից․ նախագիծը հաստատվեց կառավարության հերթական նիստում։
«Մենք նկատել ենք, որ այս նպաստը շատ ընտանիքների կողմից հաճախ ծառայում է ոչ իր նպատակին։ Ունենում ենք դեպքեր, երբ հատկապես 5–րդ և հաջորդ երեխայի դեպքում ընտանիքները երեխա են ունենում պարզապես այս գումարի համար, ապա շատ մեծ դժվարություններ են ունենում այդ երեխաներին խնամելու, դաստիարակելու համար։ Այդ պատճառով կարծում ենք, որ բոլոր դեպքերի համար պետք է սահմանել 500 հազար դրամ նպաստ»,– նշեց աշխատանքի և սոցիալական հարցերի նախարար Արսեն Թորոսյանը։
Անդրադարձ կատարվեց նաև այն երեխաներին, որոնց ծնողները ՀՀ քաղաքացիներ են, սակայն երեխաները ծնվում են Հայաստանից դուրս, ստանում են այլ երկրի քաղաքացիություն, բայց մինչ այս հնարավոր էր լինում ստանալ միանվագ նպաստը։ Արսեն Թորոսյանը նշեց, որ այդ հարցի վերաբերյալ ևս կարգավորում են տվել, Փաշինյանն էլ պնդեց՝ ովքեր իրենց Հայաստանի հետ չեն կապում, նրանց չպետք է վճարեն։