UFC-ի թեթև քաշային կարգի 8-րդ համար Փեդի Փիմբլեթը դիմել է հայ մարտիկ Արման Ծառուկյանին: «Փաստինֆո»-ի հաղորդմամբ՝ այս մասին հաղորդում է CoinPoker-ը:
«Հիմա Արմանը տրտնջում է. «Ինչո՞ւ ես չստացա տիտղոսի համար պայքարելու հնարավորություն»։ Որովհետև քեզ չի կարելի վստահել, ընկեր։ Դու անվստահելի ես։ Կարծում ես՝ կարող ես ստանալ այն, ինչ ուզում ես, քանի որ քո ընտանիքը գումար ունի։ Բայց դու չես կարող։ Այնպես որ, պետք է լռես և իմանաս քո տեղը։
Ոչ ոք չի ուզում դիտել նրա մենամարտերը։ Նա լրիվ հիմար է։ Նրա մենամարտերը ձանձրալի են։ Չառլզ Օլիվեյրան երբեք ձանձրալի մենամարտեր չի ունենում, բայց Արմանը նրա դեմ մենամարտը ևս անհետաքրքիր էր դարձրել»,- ասել է բրիտանացին:
Հիշեցնենք, որ Փիմբլեթը հունվարի 24-ին թեթև քաշային կարգի ժամանակավոր չեմպիոնի կոչման համար կհանդիպի ամերիկացի Ջասթին Գեյջիին: Այս մենամարտի հաղթողը հետագայում տիտղոսը կվիճարկի գործող չեմպիոն Իլյա Տոպուրիայի հետ: