«Մենք ցանկանում ենք թափանցիկություն, հաշվետվողականություն, հոգևորականների համապատասխանություն Հայ Առաքելական եկեղեցու կանոններին»,- Գերմանիայում՝ Արտաքին հարաբերությունների գերմանական ընկերակցությունում պատասխանելով ներկաների հարցեին՝ ասել է Նիկոլ Փաշինյանը։
Ըստ նրա, չհամապատասխանելու իրավիճակը հոգևորականներին դարձնում է ավելի խոցելի արտաքին ազդեցության նկատմամբ։
«Մենք ընդամենն ուզում ենք եկեղեցու և հոգևորականների համապատասխանություն եկեղեցու կանոններին, հաշվետվողականություն։ Ոչ ոք չգիտի, թե մեր եկեղեցին ինչպես է ֆինանսավորվում, ինչ գումար է մուտք լինում, ինչպես է այն ծախվում»,- ասել է Փաշինյանը։
Նա նշել է, որ պետք եկեղեցականների բարեվարքությունը ստուգելու գործիքներ լինեն։
«Ոմանք ասում են կառավարությունը, վարչապետը գործում եմ ընդդեմ եկեղեցու։ Դա անհնար է։ Ես եկեղեցու հետևորդ եմ, հավատացյալ եմ։
Մեր կառավարության անդամների 90-ից ավելի տոկոսը Հայ Առաքելական եկեղեցու հետևորդ են, իրենք, մենք ցանկանում ենք եկեղեցին համապատասխանի, թափանցիկ և հաշվետու լինի, ազնիվ, արժեքահեն լինի»,- ասել է Նիկոլ Փաշինյանը։
Հիշեցնենք, որ Փաշինյանը պաշտոնական այցով նախօրեին այցելել է Գերմանիա։ Նա Արտաքին հարաբերությունների գերմանական ընկերակցությունում պատասխանել է ներկաների հարցերին։ Ներկա է եղել նաև Գերմանիայում Ադրբեջանի դեսպան Նասիմի Աղաևը։