ԱՄՆ նախագահ Դոնալդ Թրամփը հայտարարել է «gold card»-ի պաշտոնապես գործարկման մասին։ Այն հնարավարություն կտա օտարերկրացիներին վճարել 1 միլիոն դոլար՝ իրենց վիզայի դիմումը արագացնելու համար, ինչպես նաև ընկերություններին վճարել 2 միլիոն դոլար՝ օտարերկրյա աշխատողին ԱՄՆ բերելը հովանավորելու համար։ Այս մասին գրում է CNN-ը։
Վիզայի կայքը՝ trumpcard.gov-ը գործարկվել է երեկ կեսօրին և ներառում է պաշտոնական դիմումի հղումը՝ խոստանալով «ԱՄՆ բնակության թույլտվություն ռեկորդային ժամանակում»։
«1 միլիոն դոլարի ներդրման դիմաց ռեկորդային ժամանակում ստացեք ԱՄՆ բնակության թույլտվություն՝ Թրամփի ոսկե քարտով», – ասվում է պաշտոնական կայքում։
Հիշեցնենք, որ ավելի վաղ նոր քարտի մասին խոսելիս Թրամփը կարծիք էր հայտնել, որ միլիոնավոր քարտեր են վաճառվելու։
Հարցին, հնարավո՞ր է՝ այդ քարտերը վաճառվեն ռուս օլիգարխներին, Թրամփն ասել է. «Այո, հնարավոր է։ Ես ճանաչում եմ ռուս մի քանի օլիգարխների, որոնք լավ մարդիկ են»։