ԱՄՆ նախագահ Դոնալդ Թրամփը հնարավոր է համարել, որ Միացյալ Նահանգները կարող է նորից հարված հասցնել Իրանին, եթե երկրի ղեկավարությունը Վաշինգտոնի հետ գործարքի չգնա եւ շարունակի հրթիռային ծրագրի իրականացումը։
Սպիտակ տանը լրագրողների հետ շփման ժամանակ Թրամփը նորից կարծիք է հնչեցրել, որի համաձայն՝ կարգավորման Մերձավոր Արեւելքում չէր հաջողվի հասնել, եթե ԱՄՆ ԶՈւ-ն հարվածներ չհասցներ Ֆորդոյի, Նաթանզի եւ Սպահանի իրանական միջուկային օբյեկտներին։
Թրամփի կարծիքով՝ Իրանը «կարող է փորձել» շարունակել իր միջուկային ծրագրի իրականացումը։ «Նրանք վերականգնման համար շատ ժամանակ կծախսեն, բայց եթե նրանք ցանկանում են նրա վերականգնումն առանց մեզ հետ գործարքի, մենք այն եւս կոչնչացնենք։ Մենք կարող ենք շատ արագ ոչնչացնել նրանց հրթիռները»,- հաստատել է ԱՄՆ նախագահը։
Նոյեմբերի սկզբին իսլամական հանրապետության արտաքին գործերի նախարար Աբաս Արաղչին Al Jazeera հեռուստաալիքի հարցազրույցում հայտնել էր, որ Իրանի ղեկավարությունը մտադիր է շարունակել ուրանի հարստացումը խաղաղ նպատակներով եւ բացառում է իր հրթիռային ծրագրի ապագայի քննարկման հնարավորությունը։ Նա նշել է, որ «ոչ մի առողջ դատող մարդ չի համաձայնի հրաժարվել իր ռազմական բաղադրիչից»։