Արցախի Հանրապետության Ազգային ժողովի պատգամավոր Մարսել Պետրոսյանը Ֆեյսբուքի էջում հրապարակում է կատարել՝ անդրադառնալով Հայաստանի կառավարության կողմից Արցախին տրվող անտոկոս վարկի թեմայի շահարկումներին ու արցախցիների «երեսով տալուն»։
«Նախ ասենք, որ դա նվիրատվություն չէր, այլ մաքսատուրքերից գոյացած գումար, որի դիմաց, ժամանակին Արցախի իշխանությունները լուծարեցին Հայաստանի հետ սահմանային մաքսակետը։ Հիմա հարց է ծագում՝ անցած երկու տարում տեղահանված արցախցիների համար քանի՞ հարյուր բնակարան կարելի էր կառուցել այն գումարներով, որ իբր հենց այնպես նվիրաբերվում էր Արցախի բյուջեին։ Հենց այնպես տվողն էիք, հենց այնպես էլ տներ կառուցեիք, թե չէ, քիչ էլ որ մնա, Հայաստանի արտաքին պարտքն էլ եք փաթաթելու տեղահանվածների պարանոցին, սաղին սարքեք գրողի տարած»,- գրել է նա։