Մոսկվայի դատարանը շախմատի աշխարհի նախկին չեմպիոն Գարի Կասպարովին հեռակա կարգով ձերբակալման որոշում է ընդունել:
Նրան մեղադրանք է առաջադրվել Քրեական օրենսգրքի 205.2 հոդվածի 2-րդ մասով՝ ահաբեկչության հրապարակային կոչեր և ահաբեկչության հրապարակային արդարացում։
Քննիչը համապատասխան միջնորդությունը ներկայացրել է դեկտեմբերի 22-ին։ Ըստ գործի նյութերի՝ այն բավարարվել է նույն օրը։ Որոշումը նախատեսված է ուժի մեջ մտնել դեկտեմբերի 26-ին։
Այս հոդվածով նախատեսված առավելագույն պատիժը 7 տարվա ազատազրկումն է։
՚