Ադրբեջանական բենզինի ձեռքբերումը, որքան հասկանում եմ՝ շատ շահավետ է ՀՀ քաղաքացիների համար։ Ես տեսա, որ բոյոկոտի կոչեր կան, բայց իմացա, որ նաև հերթեր կան այդ բենզինի համար։ Այս մասին Հ1-ի եթերում հայտարարել է ՀՀ ԱԳ նախարար Արարատ Միրզոյանը։
«Խաղաղությունը հաստատված է և համագործակցություն պետք է ձևավորվի, և մեր տարածքով էլ պետք է անցնեն Ադրբեջանի և Թուրքիայի բեռներև և մենք պետք է իրենց տարածքով անցնենք»,- ասել է նախարարը և հավելել,- «Իհարկե չեմ ուզում ասել, որ բոլոր խնդիրները լուծված են․ կան Բաքվի բանտերում պահվող անձինք, շարունակաբար լսում ենք «Արևմտյան Ադրբեջան»-ի խոսույթը, սրանք խնդիրներ են, որոնք ենթակա են լուծման։ Խաղաղությունը հաստատված է, համագործակցության փորձերը կան, բայց սա չի նշանակում, որ մենք անցել ենք անհրաժեշտ ճանապարհը, «Արևմտյան Ադրբեջան»-ի խոսույթը մենք համարում ենք տարածքային ամբողջականության դեմ խոսույթ»։