ԱՄՆ նախագահ Դոնալդ Թրամփի որոշումը մինչև 2027 թվականը պաշտպանական բյուջեն 1.5 տրիլիոն դոլարով ավելացնելու մասին վկայում է, որ ԱՄՆ-ն պատրաստվում է նոր համաշխարհային պատերազմի։ Նման կարւծիք է հայտնել ամերիկացի պահպանողական լրագրող Թաքեր Կարլսոնը։
«Նախագահը հայտարարեց Պենտագոնի բյուջեն 1 տրիլիոն դոլարից մինչև 1.5 տրիլիոն դոլար ավելացնելու մասին… Սա այն բյուջեն է, որը երկիրը պատրաստում է համաշխարհային կամ տարածաշրջանային պատերազմի համար… ակնհայտ է, որ մենք այդ ուղղությամբ ենք շարժվում՝ դեպի համաշխարհային պատերազմ»,-«ՌԻԱ նովոստի»-ի փոխանցմամբ,հայտարարել է նա իր X սոցիալական մեդիա հարթակում հեռարձակվող ծրագրում։
Կարլսոնի խոսքով՝ ԱՄՆ պաշտպանության բյուջեի նման աճի այլ պատճառներ չկան։
«Արդարացված է կանխատեսումը, և բոլոր նշանները դա են ցույց տալիս, որ մենք շուտով, շատ շուտով մեծ պատերազմ ենք ունենալու։ Կարծում եմ՝ բոլորը սպասում են դրան, նույնիսկ եթե հույս ունեն, որ դա տեղի չի ունենա, բայց մենք ակնհայտորեն շարժվում ենք այդ ուղղությամբ… Կներեք»,-եզրափակել է նա։