ԱՄՆ նախագահ Դոնալդ Թրամփը հայտարարել է, որ Իրանի հետ բիզնես իրականացնող ցանկացած երկիր ԱՄՆ-ի հետ առևտրում կբախվի 25 տոկոս մաքսատուրքի։ Նրա խոսքով՝ ընդունվող որոշումը «վերջնական է»։
Իրանը տարիներ շարունակ գտնվում է ԱՄՆ-ի խիստ պատժամիջոցների տակ, իսկ իրանական ապրանքների հիմնական արտահանման շուկաներն են Չինաստանը, ԱՄԷ-ն և Հնդկաստանը։ Սպիտակ տունը դեռ չի պարզաբանել մաքսատուրքերի կիրառման իրավական հիմքերը։
Միևնույն ժամանակ Իրանում շարունակվում են լայնածավալ հակակառավարական ցույցերը։ ԱՄՆ նախագահը հայտարարել է, որ Վաշինգտոնը կարող է քայլեր ձեռնարկել, եթե իրանական իշխանությունները բռնություն կիրառեն ցուցարարների նկատմամբ՝ չբացառելով նաև ռազմական տարբերակը։
HRANA իրավապաշտպան կազմակերպության տվյալներով՝ դեկտեմբերի 28-ից ի վեր Իրանում զոհվել է 599 մարդ՝ այդ թվում 510 ցուցարար և 89 անվտանգության աշխատակից։