Ամերիկյան New York Post թերթի փոխանցմամբ՝ Փենսիլվանիայի ոստիկանությունը ձերբակալել է մի շարք գերեզմանների կողոպտիչի, որը կասկածվում է ավելի քան 26 դամբարաններ և գերեցմաններ քանդելու մեջ։
Դեպքը տեղի է ունեցել Էֆրատա քաղաքում։
«Երեքշաբթի երեկոյան կատարված ձերբակալությունը եզրափակեց «Մաունթ Մորիա» գերեզմանատանը կատարված կողոպուտների վերաբերյալ մեկամսյա հետաքննությունը, որտեղ նոյեմբերի սկզբից ի վեր քանդվել էր առնվազն 26 դամբարան և գերեզման»,-ասվում է հաղորդագրության մեջ։
Ջոնաթան Քրիստ Գերլախը ձերբակալվել է իր մեքենան վերադառնալիս՝ ձեռքին լոմով և պայուսակով, որի մեջ ոստիկանությունը հայտնաբերել է երկու փոքր երեխաների մումիֆիկացված մնացորդներ, երեք գանգեր և այլ ոսկորներ։
34-ամյա տղամարդու տան և պահեստային մասի խուզարկության ժամանակ ոստիկանները հայտնաբերել են ավելի քան 100 մարդկային գանգեր, ոսկորներ, մումիֆիկացված ձեռքեր և ոտքեր, երկու քայքայվող դի և այլ կմախքային մնացորդներ։
«Նրանք գտնվում էին տարբեր վիճակներում։ Ոմանք այնպիսի տեսք ունեին, կարծես ճոճվում էին կախաղանից։ Ոմանք հավաքված էին տարբեր մասերից, իսկ մյուսները պարզապես դարակի վրա շարված գանգեր էին»,-ասել է Դելավեր շրջանի շրջանային դատախազ Թաններ Ռաութը։
«Մաունթ Մորիա» գերեզմանատունը, որը զբաղեցնում է գրեթե 150 ակր տարածք, գոյություն ունի 1855 թվականից։ Մաունթ Մորիա գերեզմանատանը թաղվածների բարեկամների տվյալներով՝ այն պարունակում է մոտավորապես 150,000 շիրիմ, ինչը այն դարձնում է Միացյալ Նահանգների ամենամեծ լքված գերեզմանատունը։