Տեղի ունեցողի աբսուրդային համատեքստը թաքնված է նաև այս փաստաթղթի ստորագրման համար պատմական պահի ընտրության մեջ։ Այս մասին իր Telegram ալիքում գրում է քաղաքագետ Բենիամին Մաթևոսյանը։
«Այսօր ԱՄՆ-ն բացահայտորեն կուրս է վերցրել իրանական ռեժիմի ապամոնտաժման ուղղությամբ. աննախադեպ պատժամիջոցներ է սահմանում Թեհրանի հետ բիզնես անող երկրների նկատմամբ, Թրամփը ցուցարարներին կոչ է անում գրավել վարչական շենքերը և փաստացիորեն տարածաշրջանը կանգնեցնում է մեծ պատերազմի շեմին՝ բացահայտ խոսելով Իրանին հասցվելիք հնարավոր ռազմական հարվածների մասին։ Ի պատասխան՝ Թեհրանը ուղղակիորեն հայտարարում է, որ տարածաշրջանում ԱՄՆ ինստիտուցիոնալ ներկայության ցանկացած ձևը (օրինակ՝ ռազմաբազաները) և Իսրայելը կդառնան օրինական ռազմական թիրախներ։
Եվ հենց այս պահին, երբ տարածաշրջանում օդը հագեցած է ծայրահեղ լարվածությամբ, Փաշինյանը ստորագրում է մի փաստաթուղթ, որով սեփական ձեռքով ամերիկացիներին բերում է հայ-իրանական սահման։ Ներկայիս կառավարությունը գործում է հենց այն «քնած բջիջների» տրամաբանությամբ, որոնք, սպասելով «X ժամին», այսօր Իրանում մզկիթներ են այրում, իսկ ՀՀ իշխանությունները հարված են հասցնում տարածաշրջանի կայունությանն ու դարավոր բարիդրացիական հարաբերությունների թիկունքին։
Պետք է հիշել, որ ԱՄՆ-ն հեռավոր օվկիանոսից այն կողմ է, իսկ Իրանը մեր հավերժական հարևանն է։ Այդպես եղել է և այդպես պետք է լինի միշտ։ Այս հիմնարար ճշմարտությունն անտեսելը պարզապես սխալ կամ անիրազեկություն չէ։ Յոթուկես տարվա ընթացքում կարելի էր սովորել լսել պատմության զարկերակը։ Այն, ինչ մենք տեսնում ենք այսօր, գիտակցված, նպատակաուղղված վնասարարություն է, որի գինը Հայաստանի անվտանգությունն ու հենց գոյությունն է»,- գրում է Մաթևոսյանը: