Բաքվում պահվող հայ գերիներին չի թույլատրվում Աստվածաշունչ փոխանցել, կրոնական դաջվածքներն անգամ այրել են։ Այս մասին լրագրողների հետ զրույցում ասաց իրավապաշտպան Սիրանուշ Սահակյանը։
«Քրիստոնեությունը վերաբերմունքի առումով գործոն է, սա են մեզ ցուցադրում նաև կրոնական սիմվոլներին առնչվող մի շարք հարցեր։ Չնայած որոշ գրքեր թույլատրվում է տրամադրել հայ բանտարկյալներին, սակայն հնարավոր չէ փոխանցել Աստվածաշունչ, և սա բացատրություն չունի։ Թե Ռուբեն Վարդանյանին է սա արգելվել, թե մյուսներին։ Կրոնական սիմվոլները հավաքել են, արգելվել է դրանք թողնել բանտարկյալների մոտ, անգամ դաջվածքները այրվել են»,- ասել է նա։