«Արշակ Սրբազանի բանտային կալանքի ժամկետը երկու ամսով երկարաձգվեց։ Շնորհավորանքս Ալահշուքուր Փաշազադեին. Հայոց Եկեղեցին հալածելու իր հրահանգը շարունակվում է կենսագործվել բարձր կատարողականով»,- այսպես է արձագանքել փաստաբան Ռուբեն Մելիքյանը՝ Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանի կալանքը երկու ամսով երկարաձգելու վերաբերյալ դատավոր Կարեն Ֆարխոյանի որոշմանը։
Հիշեցնենք, որ Երևանի ընդհանուր իրավասության դատարանի Կենտրոնի նստավայրում, դատավոր Կարեն Ֆարխոյանի նախագահությամբ, դռնփակ նիստում քննվել է Արշակ սրբազանի կալանքի երկարացման միջնորդությունը։ Դատարանի որոշմամբ, Արշակ Սրբազանի կալանքը երկարաձգվեց երկու ամսով։
Փաստաբան Հովհաննես Խուդոյանը գրել է. «Մնացական Մարտիրոսյանը (Կարեն Ֆարխոյանի ձեռքով) երկարացրեց Արշակ սրբազանի կալանքը»։
Սրբազանի պաշտպան Արսեն Բաբայանը գրել է. «Դատավոր Կարեն Ֆարխոյանը շատ անսպասելիորեն որոշեց երկարացնել Արշակ սրբազանի կալանքի ժամկետը 2 ամսով:
Հ.Գ. Ում ասեք, որ Ֆարխոյանն է երկարացրել՝ չի հավատա…»։